Astana qalasyndaǵy Ulttyq akademııalyq kitaphanada EKSPO-daǵy Qaraǵandy oblysynyń mádenı kúnderi sheńberinde jazýshylarmen, ádebıetshilermen jáne ǵalymdarmen kezdesý ótti.
Basqosýǵa qatysýshylar dóńgelek ústel basynda «Rýhanı jańǵyrý» baǵdarlamasynyń iske asyrylýyn, rýhanı murany tanymal etý máselelerin talqylady. Qaraǵandylyqtar ulttyq kitaphanaǵa «Saryarqa kitaphanasy» serııasymen shyqqan 100 tomdyqty, Á.Bókeıhannyń shyǵarmalar jınaǵynyń 15 tomdyǵyn jáne «Qazdaýysty Qazybek bı» basylymynyń eki tomdyǵyn syılady.
Kezdesýde Mádenıet jáne sport mınıstrliginiń jaýapty hatshysy Qýatjan Ýálıev boldy. Sonymen qatar ǵalymdar, mádenıet jáne óner qaıratkerleri, sondaı-aq «Saryarqa kitaphanasy» antologııasyna eńbekteri engen avtorlar qatysty.
– Elbasynyń bastamasymen bastaý alǵan «Rýhanı jańǵyrý» baǵdarlamasy qoǵamdyń sanany jańǵyrtý, rýhanı jandanýdyń platformasy bolyp tabylady. Bizge eń aldymen jastardy tárbıeleý júıesin anyqtap alý qajet. Bul rette uly qazaq aǵartýshylary men qaıratkerleriniń eńbekterine baǵa jetpes. Olardyń qatarynda Qazybek bı, Álıhan Bókeıhan bar, – dedi Qaraǵandy oblysynyń ákimi Erlan Qoshanov. – Biz Saryarqa jerinde dúnıege kelgen tarıhı tulǵalardyń esimderin qurmetteımiz.
Aımaq basshysy Qaraǵandy oblysynda ǵulama Qazdaýysty Qazybek bıdiń 350 jyldyǵy keńinen atap ótilip jatqanyn tilge tıek etti. Saltanatty sharalar onyń týǵan jerinde – Qarqaraly aýdanyndaǵy Egindibulaq kentinde ótti.
– Bul merekege biz basqa aımaqtardan qonaqtardy shaqyrdyq. Mereıtoıǵa oraı barlyq tarıhı oryndardy aralap shyǵatyn avtokerýen uıymdastyryldy. Halyqaralyq avtosherýge qatysýshylar ejelgi qala Túrkistanda bolyp, onda Qoja Ahmet Iаsaýıdiń kesenesinde jerlengen Qazybek bıdiń ornyn kórip qaıtty. Aıta ketetini, bul aksııa jastardyń bastamasymen uıymdastyryldy, – dedi Erlan Qoshanov.
Aımaq basshysy Ulttyq akademııalyq kitaphananyń basshylyǵyna kitaptar tabys etti.
«Saryarqa kitaphanasy» biregeı serııasy Qaraǵandy oblystyq ákimdiginiń qoldaýymen «Rýhanı mura» memlekettik baǵdarlamasynyń sheńberinde basyp shyǵarylǵan. Antologııanyń ishinde 352 avtordyń týyndylary – Buqar jyraý, Qazdaýysty Qazybek bıden bastap qazirgi zamanǵy jazýshylardyń shyǵarmalary bar. Árbir tom 800 dana kóleminde basylyp shyǵarylǵan.
15 tomnan quralǵan Álıhan Bókeıhannyń shyǵarmalar jınaǵy da baǵa jetpes qundy qazyna. Osyǵan deıin 9 tom jarııalanǵan bolatyn. О́tken jyly uly qazaq tulǵasy jáne pýblısıstiń 150 jyldyq mereıtoıyna oraı jańa jınaq basyldy.
«Qazdaýysty Qazybek bı» eki tomdyǵy 2017 jyly mereıtoı qarsańynda basylyp shyǵaryldy. Birinshi tomǵa merzimdik basylymdar, muraǵat qujattary, ǵylymı-zertteý jumystarynan materıaldar engizildi. Al ekinshi tomǵa tarıhshy ǵalym Jambyl Artyqbaevtyń Qazybek bı týraly monografııasy engen.
– Bizdiń kitap qorymyz rýhanı mura toptamasynyń baǵaly basylymdarymen tolyqty. Bul Saryarqa mádenıeti men tarıhyn keńge jaıý úshin aýqymdy múmkindik beredi, – dep baǵa berdi syıǵa Ulttyq akademııalyq kitaphana dırektory Úmithan Muńalbaeva. – Bul syılyq bizge jastarmen jumys isteýge, olardy rýhanı jáne tarıhı muraǵa baýlýda úlken septigin tıgizeri anyq.
Alǵys retinde Erlan Qoshanovqa Ulttyq akademııalyq kitaphananyń oqyrman bıleti tabys etildi.
Kezdesý barysynda «Týǵan jer» baǵdarlamasy sheńberinde Qaraǵandy oblysynda kıeli jerlerge ekspedısııa jasap, ǵalymdar, mádenıet jáne óner qaıratkerleriniń sezin uıymdastyrý usynyldy. Aımaq basshysyna bul oı unady. Ol osy máseleni kóp keshiktirmeı sheshýge ýáde berdi. Kezdesýge qatysýshylar Astanadaǵy EKSPO halyqaralyq kórmesiniń ótkizilýin de nazardan tys qaldyrǵan joq.
– Basynda EKSPO ıdeıasyn túsinbegender kóp boldy. Qazir qorytyndy jasap jatyrmyz, ol qazaqstandyqtar úshin de, basqa halyqtar úshin de qýatty aýyzbirshilik rólin atqardy, – dep esepteıdi akademık, fılosofııa ǵylymdarynyń doktory Ǵarıfolla Esim. – Kóptegen el qatysty, ózderiniń pavılondarynda olar barlyq jaqsylaryn kórsetti.
Mıras ASAN, «Egemen Qazaqstan»
Qaraǵandy oblysy
Sýretterdi túsirgen Dmıtrıı Kýzmıchev